呢幾個月一直都被d風疹困擾，心情已經唔係幾好。最慘係今日去覆診，醫生話我食住藥都出成咁，佢話我應該唔係普通風疹咁簡單，正常風疹24小時內就會退，但會係第二度再生過，但我個d成幾日都唔退，仲生左係微絲血管入面，情況比較麻煩，最差情況何能係紅斑狼瘡。醫生話須則未別一定係，但就算唔係都有可能係我自身免疫系統出現問題，但可能查唔原因。聽完係個心沉左一大半，諗住打俾呀媽安慰下我，點知呀媽好勞噪話個醫生醫唔好我，專登講得嚴重d嚟嚇我，個一刻我真係超級勁唔開心，我打俾呀媽係想佢安慰係我，而唔係好似話我蠢俾人呃!!!!
近日睇左唔少關於四川既報導，睇到個心好酦，流左唔少眼淚。真係唔明點解中國今年會發生咁多事，希望老天爺好心，唔好再有咁多天災人禍。在此我希望各方好友行行善去捐款，真係多多益善，少少無區! 多謝! 多謝! 另外，我想在此多謝所有有份幫助救援既人，連日嚟係新聞見到佢哋好辛苦咁不停救人，真係多謝你哋! 亦很高興今次中國係救人各方面都做得好好，得到各界既高度讚揚。同時亦都好想好想大聲高叫好感謝好感謝我哋既温總理及胡主席，真係辛苦你哋不停去視察災情，指揮救援行動，亦不停去安慰災民，真係好感動，尤其温總理係發生事故後立刻趕去災場，真的好多謝好多謝你們!
尋日同同事出街食飯，wylie同我講覵仔彤竟然開口叫同事r請佢食飯。大家聽到當然唔俾佢好過啦! 一定要佢俾錢!! 今日我同佢同呀joe三個人出去食lunch，由於我未請過呀joe食飯，加上我覺得佢平時幾乖，所以諗住請佢食。點知衰仔彤話你請得佢就應該請埋佢! 咁我話我未請過呀joe，我先前都有請過你。點知佢話我先前叫你唔好請o家，你係都要請之嘛! 跟住仲嬲左我，話唔再同我食飯! 聽到呢度，我真係對呢個小朋友完全失望...... 以前仲覺得佢都ok，每次話請佢食飯，佢點都話要俾返錢我，依家....唉....總之以後都唔在話佢，費事教精佢!
